الفقاص


طريقة تحضير فقاص بالزبيب و زنجلان رائع جدا وساهل فالتحضير
مقادير فقــاص :
3 بيضـات
كاس سنيدة
كاس زيــت
نص كـاس الحليـب
شوية زنجلان+نافع+زبيب مقطع
لوز يكون مرطب ليلة من قبل ومقسوم على 2(هذا سر اول باش مايتهرسش الفقاص في تقطاع)
خمـــارة
دقيــق حسب الخليط
طريقة تحضير :
تنخلطوو جميع المقاديـــر ونضيفو دقيق في الاخيـــر مع الخمارة والعجين تكون رطبة
فاش نبغيو نخدمو الحرابل ندهنو يدينا بزيت باش ماتلصقش و تكون ساهلة في
الخدمة ونكرصوهم غيــر شوية باش ماتشققش لينا الحرابل ندهنوهم بصفار بيضة
مخلط مع نقيطات الخل و نيسكافي ونزوقوهم بخطوط بالفورشيط
وندخلهم الفران يكون مسخن من قبل ،حتا يتحمر من التحت ونشعلو عليه الفوق باش يتحمر،تكون العافية مهيــلة باش يطيب من الداخل
فاش نخرجووه نغطيوه بزيـف يكون فازك ونخليوه ؛(انا درتو في الصباح وخليتوو حتا الليل عاد قطعتووو)
السرالتانــي و هو المهم باش مايتهرسش ليكم الفقاص هو تقطعووه بموس يكون رقيق و ماضــــي
انا حتا فرتيــتة ماكانت في تقطاع كلو جا مقآآآآاد وماتهرسش ليا
نقطعووه وندخلو لفران مسخن من قبل باش يتحمــر كيجي رطب و في نفس الوقت
مقرمش وبنيـــــــن
وهاهو الفقاص واجد
شوفوووو كيف جا كيحمممممممممق في المذاق وحتا المنضر
بالصحة و الراحة


أعجبكي المقال ؟ شاركيه مع أصدقائك

102
106, 102 النقاط

التعليقات 0

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

log in

reset password

Back to
log in